كأي شخص ببدأ حياتي المهنية وعايزه أكبر في الكرير اللي إخترته لحياتي عندي أحلام كتير هحققها إن شاء الله و بفكر من زمان إني أستقل بشقة ليا ومن رأيي إن كل بنت لازم تعتمد علي نفسها وعلي فلوسها الشخصية ومتخليش رقبتها تحت رحمة أي إنسان
مؤمنة جداً أن من يملك الإقتصاد يملك القوة
كتير بشوف حالات لسيدات بيتهانوا يوميا وباقين مع أزواج بس علشان بيصرف عليها وعلي البيت والولاد والعيشة واللي عايشنها
وده شئ بيثير اشمئزازي جدا وبحترم جداً أي سيدة بتعتمد علي نفسها وناجحة في شغلها وفي استمرار لإثبات جدارتها في أي مجال
بالنسبه ليا دي قدوة السيدات اللي من النوع ده بتديني حافز ودافع وعامل مشجع كبير إني أكون و أكون كما خططت لنفسي
ومش السيدات بس كل قصص نجاحات رجال الأعمال بتلفت انتباهي جداً مفيد أوي إنك تتعلم من ناس خصوصا اللي بدأوا من الصفر وتحت الصفر أحيانا يمكن إن شاء الله في البلوج أعرض بعض قصص النجاح دي مرتاحة أوي من وقت ما فتحت البلوج ده ومتفائلة بيه وهعتبرة أجندة اسجل وارصد وأحكي واغني كمان فيها كل حاجة وأناقش كمان وجهات نظري وأسمع لناس تانية
5 comments:
لسه اللي جاي كتير
و ان شاء الله تحققي كل اللي تتمنيه
انك تستقلي بنفسك و يكون ليكي شقتك و حياتك الخاصة بيكي حلم جميل بيحلمه معظمنا دلوقتي .. و ياريت بجد تحولي حلمك ده لحقيقة
الحمد لله انك مرتاحة من وقت اللي فتحتي فيه البلوج و انضمامك لأسرة المدونات المثلية
:)
كويس كمان انك غيرتي صفحة التعليقات التانية .. كانت غلسة أوي و التعليقات فيها بتطير
تحياتي
happy hope
إن شاء الله يسلملي كلامك والحمد لله إني حاسة براحه ومع الوقت تبقي راحة وتحقيق حلم كمان
اه انا كمان استغلستها اوي صفحة التعليقات فضلت وراها لحد ما عملتها
:)
أنا بوافقك الرأي مية بالمية
من يملك الاقتصاد يملك القوة
يارب تتحقق كل احلامك وامنياتك بالقريب العاجل
وبردو المدونة بيتك الالكتروني ورح تفرغي فيه كل شحناتك وطاقاتك:D
بالتوفيق بكل ما تطمحين
ارق تحية
angel
هي فعلا المدونة بيت ومتنفس صحي جدا
انا مؤمنة جدا بان الاقتصاد قوة متحكمة وهي اساس اي سيطر تفرض علي العالم
يارب اشوفك بخير دايما
:)
هاي ليلى
ممكن اسألك انتي شو بتشتغلي ؟
Post a Comment