Thursday, July 16, 2009

أفتقدك صديقي

في فترة من حياتي كان لي صديق مثلي خالد تعرفنا عن طريق صديق ثالت خالد كان جزأ أساسي في حياتي كنا بنتشارك في كل شئ
كان قريب جداً لقلبي حسيت أنا وهو إننا جزئين بنكمل بعض وبنحب وبنخاف علي بعض من غير أي مصلحة لا هو مستني من حاجه ولا أنا يمكن هو الوحيد اللي أنا بقول عليه صديق لكن من البنات المثليات أبدا دايما بتبقي علاقة فاشلة كصداقة البنات احيانا بيبقي ليها حركات نص كم وكلام ورغي كتير ودي قالت ودي عادت وانا مبحبش الجو ده لأنه بيثير أعصابي جدا ,انا وهو فعلا أصدقاء بمعني الكلمة من قبل ما اكون محتجاله كنت بلاقيه رابط غريب إحساسي بيه كان اخ واب وابن في نفس الوقت وهو كان بيهتم بادق تفاصيل حياتي ..دلوقتي افتقد وجود خالد في حياتي اوي سافر للعمل بالخارج ووقتما تسنح الظروف بنتكلم لكن للاسف لانشغالي انا ايضا وانشغاله بتكون معجزه اننا نتقابل اونلاين الغريب اني لما كنت بحكي لاي صديقه مثلية برده عنه كان بتستغرب جدا وكتير من المثليات علي فكره مش متقبلين الولاد المثليين ودي حاجه مش قادره افهمها نهائي لحد النهاردة طب ما انتي نفسك كده
إزاي نبقي بنفكر بعنصرية وعايزين الناس متتعاملش معانا بنفس اسلوبنا كل واحد حر يختار الحياه اللي تريحه
من هنا لقيت ان ناس كتير بتحلل لنفسها اشياء وتحرمها علي الأخرين بدون سببه وجيه لذلك وعلي فكرة دي بتبقي بذره لمشكله في علاقات ناس كتير مع بعض انا اعمل انت متعملش او يعمل المصيبه من دول ومش عايز الانسان اللي مرتبط بيه يعمل زيه
او حتي يكون في مجال لنقاشها
الاسلوب الديكتاتوري بيولد الانفجار في وقت يمكن متعرفش تسيطر علي الانفجار ده
حطيت الأغنيه اللي علي الجنب فوق دي كانت أغنيتنا المفضلة

5 comments:

Anonymous said...

حبيبتي أم لسان عايز قطعه ايه هتنكري لقبك

ربنا ما يحرمني منك ابدا يا ليلي
صدقيني انا مفتقدك ووحشاني الروح اللي بتجمعنا ببعض وبينا ذكريات لا يمكن تتنسي

فاكرة يوم ما سافرت في المطار كنت حاسس اني سايب حته من روحي معاكي
انتي جزء مني اتمني من ربنا اننا نحافظ عليه طول ما لينا عمر يارب
بقي دي اغنيتنا المفضلة برده دي بتاعتك انتي وانتي تقوليلي طبعا انت نفسك يقول في عشق الولاد ها ها ها
وتضحكي ضحكتك الاطفالي
احنا بينا اغاني كتير اووووووووي
لكن دي بالذات كنت بغنيهالك علشان تفكي التكشيرة ام بوز دي
وحششششششتيني يا حبيبتي ووحشني تخرجي تشتري معايا هدومي وتأكليني السمك اللي انا مبحبوش وانتي بالعافيه كل كل مفيد يابني فسفور هههههههه
وتدخليني الكوافير معاكي اقولك هعد اعمل ايه تقوليلي اعمل نفسك ميت اصدي اعمل نفسك خطيبي
وفي الاخر مش بيعجبك العجب برضه
الظاهر اني كنت عايش معاكي غصب هههههههههه
مدونتك جميلة وهتبقي اجمل بوجودك فيها

ربنا يحميكي يا احلي اخت وصاحبه وصديقه في الدنيا

خالد

ليلي الكاشف said...

نرو عيوني التنتييييين

ايوا طبعا يعني اشوف مزهله قدامي واسكت دي تبقي مزهله بجد

ولا يحرمني منك يا حبيبي متفكرنيش بيوم السفر ده يا بايخ كنت مروحه مش شايفه قدامي ونسيت نضارة الشمس بتاعتك معايا وانا سبت الموضوع كله ومسكت خالد نسي النضاره خالد نسي النضاره وضحكوا عليا
بقي انا ليا بوز يا راجل يا ...
طبعا ما انت مكنش بينفع معاك التفاهم طبعا انت مستريح محدش بيأكلك سمك عندك
وبعدين انا عملت فيك معروف واخدت للكوافير مش كنت هتبيض تدخل زي القطط صحيح
ربنا ما يحرمني منك يا حبيبي المدونه اهي
اهو البحر اهو لما نشوف هتعتبها تاني امتي
نورتني يا حبيبي
:)

Anonymous said...

الله يخليكم لا بعض ويديم الصداقة الجميلة
مااجمل الصداقة بدون اي مصالح

فكرة انه في ناس بتحلل ليها وبتحرم لغيرها ده موجود اوووي اووي للاسف


في كتير بنات مثليات عرفتهم كانو فعلا مش متقبلين انه الولد بردو مثلي ليه ما بعرف مع اني كنت اقلهم ان المثلي عالاقل عارفينه انه رح يتعامل معنى بحسن نيه اكثر من الشاب الستريت

بس مابعرف ليه حتى عند المثليات مافي تقبل للشاب المثلي غريبة بجد

عالعموم ربنا يديم عليكو الصداقة الابدية

تحية ليكي ولخالد

V.Hayat said...

مما اجمل الذكريات وما اجمل الاصدقاء وما اجمل الاغنية

3 جميلات

تحياتى

georgemethlyyy said...

حبيبتى ليلى
نحن نعيش فى بوتقة المثلية،سواء كان الشكل الخارجى لنا يقول أننا ذكورآ،أم كان يجزم بأننا إناثآ؟؟
المثلية هى الحنين والشوق لبنى الجنس،وإذا نضحت العلاقة المثلية بالسعادة فهذا هو غاية المنى وهو المراد وهو ألأرب.ا
حبيبتى
لاأكتمك سرآ أنى عاشق لحب المثليين سواء كانوا إناثآ أم كانوا ذكورآ،أحبهم،أحترمهم،أقدرهم وأتمنى أن نتواصل معآ لحنين بداخلى لكل من هو مثلى
ليس عيبآ أن نتحدث لبعضنا ونفضفض بالكلمة أو بالهمسة،أو بالأشارة فكل هذا مسموح وممنوح فى عالم المثلية
أنا سعيد بالكلام إليك،وأتمنى أن تتواصلى معى بدون كلام تافه،أو حديث لاسع،أو تعليق لاذع
سعدت بالمرور عليك وإلى لقاء لو قبلتى صداقتى....صداقة المثلى لمثلية